Аўдыятэка
Страчаныя святыні
Як выглядаў Шклоў XVII стагоддзя? Што за цагляны помнік, які называлі "Ян", стаяў каля Магілёўскай брамы? Пра прыдарожныя помнікі Шклова расказвае краязнаўца Аляксандр Грудзіна.
Дзе ў Шклове знаходзіліся ўніяцкія храмы? Пра царкву Пятра і Паўла, ад якой да нашага часу захаваліся толькі муры, пра лёс царквы Ушэсця Хрыстова, звесткі пра якую захаваліся толькі ва ўспамінах мясцовых старажылаў, пра сям'ю, якая намагалася захаваць царкоўную маёмасць пад час вайны, расказвае краязнаўца Аляксандр Грудзіна.
На беразе Дняпра стаяў стары сасновы лес. Дзеці, што гулялі побач выпадкова закінулі чаравік у дупло дрэва і не змаглі дастаць. Калі дарослыя даставалі чаравік, то ўбачылі там абраз, але дастаць яго не змаглі. І вырашылі людзі пабудаваць на гэтым месцы царкву, а што было далей расказвае краязнаўца Аляксандр Грудзіна.
Магілёўскі касцёл Св. Антонія і кляштар бернардзінцаў быў заснаваны прыкладна ў 1687 годзе. Даследчыкі лічаць, што к сярэдзіне XVIII стагоддзя ў Магілёве культ Святога Антонія быў вельмі моцным.
Каменны касцёл Св. Казіміра (Фарны), пабудаваны яшчэ ў XVII ст., - першы каталіцкі храм і першы каменны будынак Магілёва. Пра пажары і закрыццё, пра прыкасцёльныя пахаванні і сучасны стан касцёла расказвае краязнаўца Аляксандр Грудзіна.
Касцёл Св. Францыска Ксаверыя і Анёлаў Ахоўнікаў некалі быў адным з сімвалаў гістарычнага Магілёва, храм ўваходзіў ў склад кляштарнага комплексу. Першы драўляны касцёл тут быў пабудаваны яшчэ ў 1687 годзе, але хутка згарэў і таму была распачата будоўля каменнага храма.
Касцёл Св. Станіслава ў в. Маляцічы быў паменшанай у некалькі разоў копіяй базылікі Св. Пятра ў Рыме. Хто стаў ініцыятарам будаўніцтва і як склаўся лёс незвычайнага касцёла расказвае краязнаўча Аляксандр Грудзіна.
Калі у Чэрыкаве ўзнікла парафія? Які тытул насіў касцёл? Хто прычыніўся да будовы касцёла і як склаўся яго лёс расказвае краязнаўца Аляксандр Грудзіна.
У XVIII ст. Мсціслаўскія езуіты мелі парафію ў в. Лазовіца, што на рацэ Рэкце. На жаль, касцёл св. Тройцы не захаваўся, але ёсць тут іншы помнік драўлянага дойлідства - будынак Свята-Пакроўскай царквы. Пра мястэчка, яго уладальнікаў, пра храмы і іх лёс расказвае краязнаўца Аляксандр Грудзіна.
Напаўразбураны, але усё яшчэ велічны, касцёл св. Антонія Падуанскага ў Княжыцах дагэтуль прыцягвае ўвагу кожнага, хто трапіў у гэта мястэчка. Пра фундатараў і дамініканскі ордэн, пра закрыццё і пераўтварэнне ў царкву, пра сучасны стан храма расказвае краязнаўца Аляксандр Пятровіч Грудзіна.
