7 студзеня / 16.00

Альбом «На Каляды» - незвычайны падарунак на Божае Нараджэнне ад музыкаў гурта «Крылы».

«Крылы» – гэта моладзевы музычны гурт, які дзейнічае ў бараўлянскім араторыі імя св. Дамініка Савіо пры парафіі Марыі Успамогі Хрысціянаў. Гурт быў заснаваны ў 2017 годзе кс. Казімірам Шыдэлка SDB, і складаецца з 9-ці чалавек рознага ўзросту і з рознымі талентамі. Дзейнасць гурта пачалася менавіта з калядных песень.
За час існавання гурт «Крылы» даў некалькі канцэртаў у розных парафіях, прымаў удзел у парафіяльных святах, некалькі разоў праводзіў моладзевыя чуванні, дзяліўся сваімі талентамі на канцэртах у гонар святой Цэцыліі і быў госцем «Радыё Марыя». Сваю назву гурт атрымаў дзякуючы галасаванню, якое праходзіла на партале catholic.by.

7 студзеня ў эфіры праграмы «Госці ў студыі» адбудзецца прэзентацыя альбома «На Каляды». Не прапусціце! Пачынаем а 16-й гадзіне.