Γνῶθι σεαυτόν. «Пазнай самога сябе» Менавіта гэтыя словы са сцяны старажытнага храма ў Дэльфах задавалі тон думкам мудрацоў і не давалі спаць філосафам. Прарок Амос у аднайменнай Кнізе Старога Запавету акрэслівае сябе як "пастуха і таго, хто надразае плады сікамораў".
Паспрабаваць пачуць і прыняць сябе, пазнаёміцца бліжэй з Кнігай Амоса і высветліць, "што ж там усё-ткі з тымі сікаморамі" запрашаюць францішкане з Івянца на біблійна-тэатральных рэкалекцыях "Плады сікамораў. Рэкалекцыі аб прыняцці сябе", сувядучай якіх будзе Марыя Гуцава, тэатральны рэжысёр з Магілёва. Апроч канферэнцый, адмысловых майстар-класаў па адкрыццю сябе, кожны з удзельнікаў мае магчымасць штодзённай размовы з душпастырам, дзякуючы якой зможа акрэсліць, на якую сферу жыцця скіроўвае яго ўвагу пачутае, прачытанае і прамедытаванае Божае Слова.
Удзел у рэкалекцыях могуць прыняць толькі паўналетнія асобы. Колькасць удзельнікаў абмежаваная.
Запіс анлайн па спасылцы: https://forms.gle/
Больш інфармацыі па тэл.
+375 (29) 556 77 98 — айцец Яўген
