Майскі нумар часопіса "Ave Maria" традыцыйна прысвечаны Найсвяцейшай Панне Марыі, а дакладней, Яе найбольш вядомым аб’яўленням. 

Марыя – сапраўдная Правадніца на шляху збаўлення. У Гвадэлупе, у Ля Салет, у Люрдзе і Парыжы, у Меджугор’і і Сан-Дам’яна, а таксама ў многіх іншых мясцінах па ўсім свеце. Яна прыходзіла да сваіх дзяцей, просячы ахвяраваць малітвы і цярпенні за грэшнікаў, каб стрымаць Божы гнеў... Аўтары часопіса падрыхтавалі шмат матэрыялаў, у якіх распавядаюць пра пасланні Марыі свету. У радыйным выпуску прапануем паслухаць верш паэткі Дануты Бічэль "Аб’яўленне Найсвяцейшае Дзевы на беразе рэчанькі Сэрвач" у аўтарскім выкананні. У часопісе змешчаны верш "Да Найсвяцейшай Панны" Францішка Князьніна, створаны ў другой палове XVIII стагоддзя, у перакладзе Ірыны Багдановіч. Запрашаем паслухаць верш у яе выкананні.