Кастрычніцкі нумар часопіса "Ave Maria" багаты на юбілейныя даты. Найперш шчыра віншуем арцыбіскупа Тадэвуша Кандрусевіча з 35-годдзем біскупскай сакры.

Адметнае месца ў часопісе займаюць некалькі матэрыялаў, падрыхтаваных з нагоды біскупскага пасвячэння ксяндза каноніка Андрэя Зноскі. У гэтым нумары аддаецца таксама пашана кардыналу Казіміру Свёнтку – 21 кастрычніка споўнілася 110 гадоў з дня яго нараджэння. Яшчэ адзін важны юбілей у Касцёле – 800-годдзе стыгматаў святога Францішка Асізскага, з гэтай нагоды цэнтральным стрыжнем праз кастрычніцкі нумар часопіса праходзіць тэма стыгматаў.  Вершы паэткі Дануты Бічэль – гэта нібы лірычны духоўны дотык да стыгматаў Францішка Асізскага і да напоўненага цудамі жыцця гэтага святога. У перадачы маем унікальную магчымасць пачуць гісторыі стварэння вершаў, а таксама самі творы ў аўтарскім выкананні.

 

© 2016 «Радыё РМ» / E-mail: radiomariaby@gmail.com / Тэл.: +375 (29) 306-22-65 / РБ, г. Мінск, ул. Даўмана 13Б
МiнГарВыканКам / УНП 192658625 / Прыватная інфармацыйная ўстанова «Радыё РМ» 02.06.2016 ®
Працоўныя гадзіны: 8.00 - 22.00