"Шчучыншчына" - які сапраўдны беларус не ведае гэтае слова? Аповед сёння менавіта пра Шчучын - "самы вялікі з малых гарадоў", як гавораць яго жыхары. Гісторыю ён мае багатую і насычаную падзеямі, бо ўжо ў 15 стагоддзі горад узгадваецца ў летапісах.
Пра цікавосткі Шчучына, пра айцоў-піяраў і іх працу на гэтых землях, пра піярскую аптэку, пра мясцовы касцёл, які адстаяў князь Друцкі-Любецкі перад самім царом, і многае іншае распавядае Ірына Рубінава.
