кастрычнік

У кастрычніку мы працягваем заглыбляцца ў ружанцовую малітву.

Ружанец – гэта праслаўленне Хрыста разам з Марыяй, гэта магчымасць зноў прыглядзецца да вялікіх справаў, якія Бог учыніў на працягу гісторыі збаўлення.

На пачатку XV ст. у кляштары картузаў у Трэвіжы адзін з манахаў, Дамінік з Прус, да кожнай са 150 «Вітай, Марыя» пасля слова «Езус» пачаў дадаваць кароткі сказ, які нагадваў пра розныя эпізоды з жыцця Хрыста і Яго Маці (напрыклад: «якога Ты, Пані, з Духа Святога пачала», «якога св. Ян ахрысціў у Ярдане і назваў Баранкам Божым», «які на гары Табор перамяніўся на вачах у апосталаў»). Праўда, гэтыя «клаўзулы» з картузскага Ружанца Благаслаўлёнай Марыі не замацаваліся ў паўсюдным Ружанцы, які сёння практыкуецца.

Аднак падчас I Ружанцовага кангрэсу, які прайшоў у 2017 годзе ў Магілёве, айцы дамінікане нагадалі пра такую форму малітвы на Ружанцы. А таксама падрыхтавалі і выдалі тэксты разважанняў і прыклады дадаткаў. У нашым эфіры святы Ружанец з дадаткамі будзе гучаць штодня ў 22.15, а таксама ў суботу і нядзелю а 13-й гадзіне. Запрашаем!

Паводле ave-maria.by
Дзякуем айцам дамініканам за прадстаўленыя аўдыё-матэрыялы!

 

© 2016 «Радыё РМ» / E-mail: radiomariaby@gmail.com / Тэл.: +375 (29) 306-22-65 / РБ, г. Мінск, ул. Чайкоўскага 70, оф. 3 / УНП 192658625
Працоўныя гадзіны: 8.00 - 22.00